你一早夠好

啱啱睇到啲post講悅來酒店的父親被情緒病吞噬 我呢個啱啱用thread嘅新手 經常都見到有人被情緒困擾 去到凌晨時分，唔少人嘅情緒都特別低落 或者有啲人真係會有被吞噬嘅感覺

每次見到呢啲留言 都好似體會到就情緒被困擾者既辛酸

有啲post又話 啲人會唔會唔鍾意有情緒病嘅人呢？ 我可以咁講 對情緒病嘅朋友 的確會令到身邊人有壓力 因為好擔心講錯咗嘢會傷害咗對方 而呢種擔心 我諗……都係愛你哋嘅一種表現

況且 以我見過唔同嘅情緒病人 佢哋雖然看似冇動力 但係佢哋大部份都好努力同呢個情緒病共存

共存嘅意思係情緒病唔一定會消失 但係我會知道佢嘅存在 然後我識得喺情緒病嚟嘅時候多啲照顧自己 唔知呢個比喻貼唔貼切

好似嚟M嘅時間 我諗冇人真係特別鍾意嚟M 但我知道啲M嚟就會攰 攰就要好好休息 咁當然當中嘅辛苦程度絕對唔同 但係我估每個人喺唔同生活的環境 都同緊自己唔鍾意嘅嘢共存緊

咁講唔代表共存就等於可以唔理呢個情緒病 如果有情緒Loop住自己 當然建議對方搵人幫手 好希望有情緒病嘅朋友 可以肯定自己嘅努力 亦都肯定你係值得被愛嘅

做青年人既媽媽

話說我女兒去了交流團10幾日 返嚟開始分享旅行嘅所見所聞

當中有一啲導師會帶領佢哋整個行程 佢話好想知道導師對佢有咩睇法 於是我打蛇隨棍上問佢：「咁你知唔知道媽咪對你有啲咩睇法？」 我個女就話：「肯定覺得我成日打機、躺平……」

嗱！當然呢個係一個事實😂 好彩只係事實嘅一部份

我回應佢：「其實當我同朋友介紹你嘅時候， 我會話我個女好多朋友，好多friend中意同佢講心事」

我個女話：「咁你啲朋友點講？」

我回應佢：「佢哋話似媽咪囉」 （其實我幾開心阿女呢部份似我✌️😊）

於是大家都有種會心微笑的快樂，也是一種有共鳴嘅快樂。

💬唔好經常將重點放喺「改善呢樣」「改善嗰樣」嗰度 （其實某程度上佢自己都知道）

💬同時要俾小朋友知道自己有好嘅特質 一嚟咁先有偈傾，二來佢都會可以有更公平嘅眼光睇到自己